Tirana fiton duelin e mbijetesës ndaj Vorës, Xhixha shkëlqen me dopietë

Tirana merr një fitore jetike në luftën për mbijetesë, duke mposhtur me rezultatin e pastër 3-0 Vora në një përballje direkte për qëndrimin në elitë.

Ndeshja e javës së 29-të u zhbllokua që në minutën e 13-të falë një goli spektakolar nga Alvarez, i cili i dha epërsinë bardhebluve dhe vulosi rezultatin e pjesës së parë.

Në pjesën e dytë, skuadra kryeqytetase tregoi më shumë qetësi dhe efikasitet përpara portës. Protagonist absolut u bë Redon Xhixha, i cili realizoi dy herë në minutat 66 dhe 81, duke siguruar një fitore të pastër dhe me peshë të madhe.

Falë këtij suksesi, Tirana vazhdon të mbajë vendin e parafundit me 27 pikë, po aq sa Vora, duke e bërë edhe më të fortë garën për mbijetesë në javët e mbetura të kampionatit.