Tjetër medalje për xhudon kosovare, Nora Gjakova mbulohet në bronz

Xhudo kosovare vijon të mahnisë Botën.

Këtë herë është Nora Gjakova që ka “rrembyer” një medalje bronzi nga turneun “Grand Prix Tel Aviv”, i cili mbahet në Izrael.

Xhudistja kosovare mposhti në finale portugezen, Telma Monteiro, duke i shtuar një tjetër medalje vitrinës së saj dhe sportit të xhudos në Kosovë.

Për të arritur te ky triumf, Gjakova mposhti xhudisten nga Hong Kongu, Po Sum Leung dhe rusen Anastasiia Konkina. Ndërkohë, humbja ndaj francezes, Helene Recevuaux i shuajti shpresat për medaljen e artë.