Lamine Yamal fiton për të dytin vit radhazi çmimin “Kopa Trophy”. Tensioni dhe pritshmëritë janë në kulm në Paris vetëm pak kohë para se të ndahet ”Topi i Artë 2025”. Ylli i Barcelonës kishte fjalë zemre për klubin e tij. “Faleminderit të gjithëve për çmimin, është një burim krenarie të jem këtu dhe sigurisht falë Barçës. A jam gati edhe për trofeun tjetër, atë për trofetë e mëdhenj? Nuk e di”, tha talenti spanjoll.
Të gjithë sytë janë drejtuar nga Lamine Yamal, 18-vjeçari që ka revolucionarizuar FC Barcelonën dhe kombëtaren spanjolle. Nëse fiton, Lamine Yamal do të bëhet futbollisti më i ri që ngre Topin e Artë, duke thyer rekordin e vendosur më parë nga Lionel Messi dhe Ronaldo Nazario. Konkurrenca e tij kryesore është ylli i PSG-së, Ousmane Dembélé, i cili ka pasur një sezon brilant.
Fitorja e mundshme e Yamal nuk do të jetë vetëm një arritje personale, por edhe një konsolidim i epokës së re të FC Barcelonës, e cila ka besuar tek ai si një shtyllë e projektit sportiv të klubit. Për familjen Yamal, kjo galë ka shumë më tepër rëndësi sesa një ceremoni. Prania e Mounir në Paris është një kujtesë e rrugëtimit që kanë bërë, pengesave që kanë kapërcyer, duke përfshirë sulmin që ai pësoi në 2024 – dhe qëndrueshmërisë që i ka sjellë deri këtu. Nëse Lamine fiton, do të jetë një triumf i përbashkët që do të mbajë po aq peshë emocionale sa edhe rëndësi sportive.
