Tottenham nuk gabon në “Boxing Day” duke arritur një fitore me përmbysje 2-1 ndaj Brighton. Skuadra e drejtuar nga Jose Mourinho do të gjente shumë shpejt golin me Kane, por do të anulohej me VAR për shkak të një pozicioni jashtë loje. Miqtë luajnë mjaft mirë, duke arritur që të gjejnë dhe golin e avantazhit me Adam Webster, i cili kërceu mjaft mirë me kokë në minutën e 37-të.
Në fillimin e pjesës së dytë, “Spursat” arrijnë që të barazojnë rezultatin me Harry Kane, që shënon në tentativën e tij të dytë gjatë aksionit. Në minutën e 72-të, Dele Alli shënoi një super gol me një goditje me parabël, duke lënë në vend portierin e miqve. Tottenham me këtë fitore ngjitet në kuotën e 29 pikëve në vendin e 5-të. /R.Lika-Koha Jone/