Ish-sulmuesi legjendar i Romës, Francesco Totti, vazhdon të replikojë në distancë me presidencën e klubit kryeqytetas dhe raportet mes dy palëve sa vijnë e përkeqësohen.
Ish-kapiteni romak ka dhënë një intervistë për DAZN, ku mes të tjerash, tha: “Sot, një Totti i ri nuk mund të luante kurrsesi te Roma. Ai do të ishte shitur sapo të vinte një ofertë që kënaq presidencën.
Do të ishte mision i pamundur të zgjaste te Roma aq sa zgjata unë”, tha Totti. Ky sulm i ish-kapitenit është i drejtpërdrejtë për presidencën, që vazhdon të shesë asetet më të shtrenjta të klubit.
