Totti: Unë tani nuk vlej më

Francesco Totti ndihet i huaj te Roma. E ka konfirmuar vetë mbrëmë, në përfundim të ndeshjes me Real Madrid, për Champions League. Një gazetar spanjoll kërkonte ta intervistonte dhe numri 10 romanist iu përgjigj me një frazë të trishtueshme: “Po më pret mua? Po unë tani nuk vlej më”.

Trajneri Luciano Spalletti, pak metra larg, i dëgjoi fjalët e Tottit dhe nuk i pëlqyen, duke e parë rrufeshëm me një vështrim qortues. Dy ditë më pas Spalletti u shpreh se Totti nuk vrapon më, çka dëshmon se lamtumira e kapitenit legjendar në fund të sezonit është shumë më tepër se një hipotezë.