Sulmuesi i Liverpoolit dhe i kombëtares së Holandës, Cody Gakpo, po kalon një nga momentet më të vështira të jetës së tij personale. Futbollisti 27-vjeçar ka mësuar se ai dhe partnerja e tij, Noa van der Bij, kanë humbur foshnjën që prisnin. Lajmi i dhimbshëm u bë publik gjatë ditëve të fundit, duke prekur jo vetëm familjen e tij, por edhe botën e futbollit.
Pavarësisht tragjedisë familjare, Gakpo ka vendosur të mos largohet nga grumbullimi i kombëtares holandeze dhe do të vazhdojë të jetë pranë ekipit në Kupën e Botës. Federata Holandeze e Futbollit konfirmoi se vendimi është marrë në marrëveshje me partneren e tij dhe se lojtari do të mbetet me skuadrën për ndeshjen e fazës me eliminim direkt ndaj Marokut. .
Federata holandeze ka shprehur mbështetjen e plotë për Gakpon dhe familjen e tij, duke kërkuar respekt për privatësinë e tyre në këtë periudhë tepër të vështirë. Ndërkohë, shokët dhe stafi teknik pritet të luajnë edhe për të, në një moment kur futbolli kalon në plan të dytë përballë dhimbjes njerëzore.
