Tronditet Juventusi, një tjetër futbollist del pozitiv në testin e koronavirusit

Rasti i dytë me Covid-19 te skuadra e Juventusit, Pas Daniele Ruganit, pozitiv ndaj testit ka dalë edhe mesfushori Blaise Matuidi. Futbollisti francez i është nënshtruar testeve mjekësore, teksa ishte në vetëizolim që nga data 11 mars.

Në orët e ardhshme do të merren tamponë të tjera te skuadra torineze, që ka njoftuar se do të bëhen publike vetëm rastet pozitive. Maurizio Sarri ndërkohë ndodhet në izolim në shtëpinë e tij, teksa po ruan kontaktet me stafin. Ai është duke parë shumë video për të përgatitur rikthimin e ekipit në fushë.

Situata te klubi torinez është e qetë pavarësisht dy rasteve pozitive me Covid-19./R.Lika-Koha Jone/