Tronditet Juventusi, portieri Grabara këput ligamentin e kryqëzuar të gjurit

Portieri i Juventusit, Kamil Grabara, ka pësuar një dëmtim të rëndë gjatë stërvitjes së pasdites. Klubi italian bëri të ditur se portieri polak ka pësuar një traumë distorsive në gjurin e djathtë. Pas dëmtimit, Grabara iu nënshtrua ekzaminimeve diagnostikuese në qendrën mjekësore J|Medical.

Kontrollet kanë konfirmuar dëmtimin e ligamentit të kryqëzuar të përparmë të gjurit të djathtë, një dëmtim që zakonisht kërkon një periudhë të gjatë rikuperimi.

Juventusi ka njoftuar se në ditët në vijim Grabara do t’i nënshtrohet konsultave të mëtejshme ortopedike, për të përcaktuar trajtimin dhe hapat e ardhshëm të rehabilitimit.

Dëmtimi është një goditje për portierin polak, i cili këtë sezon është pjesë e skuadrës së Juventusit dhe pritet të mungojë për një periudhë të konsiderueshme, në varësi të trajtimit që do të vendoset nga stafi mjekësor.