Eliminimi i Turqisë nga Kupa e Botës 2026 vazhdon të shkaktojë debat dhe polemika. Federata Turke e Futbollit ka paraqitur një ankesë zyrtare pranë FIFA-s, duke kërkuar riluajtjen e ndeshjes së humbur ndaj Paraguait, sfidë që rezultoi vendimtare për fatin e skuadrës në turne.
Sipas federatës turke, disa vendime arbitrare kanë ndikuar drejtpërdrejt në ecurinë e takimit, duke dëmtuar interesat e përfaqësueses së saj. Në qendër të kontestimeve është arbitri Ivan Barton, për të cilin turqit pretendojnë se gaboi duke mos ndëshkuar me kartonin e dytë të verdhë mesfushorin e Paraguait, Matias Galarza.
Episodi i diskutueshëm lidhet me një situatë të pazakontë gjatë ndeshjes, kur futbollisti paraguajan mori dhe mbajti për disa çaste orën e humbur të arbitrit. Sipas palës turke, ky veprim duhej të ishte konsideruar sjellje e ndëshkueshme dhe të çonte në përjashtimin e lojtarit nga fusha.
Megjithatë, pas shqyrtimit të rastit, FIFA ka vendosur të mos e pranojë kërkesën e Turqisë. Organizmi qeverisës i futbollit botëror ka lënë në fuqi rezultatin e ndeshjes, duke konfirmuar eliminimin e skuadrës turke nga Kupa e Botës 2026.