Turqia shkëlqen me poker ndaj Maqedonisë së Veriut, Norgjia mund Suedinë

Turqia ka dhënë sinjale pozitive në prag të Kupës së Botës, duke triumfuar me rezultatin e thellë 4-0 ndaj Maqedonisë së Veriut në një ndeshje miqësore të zhvilluar nën drejtimin e trajnerit Vincenzo Montella.

Përfaqësuesja turke e nisi vrullshëm takimin, duke gjetur avantazhin që në minutën e dytë me Orkun Kökçü, i cili finalizoi një aksion të shpejtë për të kaluar skuadrën e tij në epërsi.

Dominimi i Turqisë vijoi edhe në minutën e 16-të, kur Can Uzun dyfishoi shifrat, duke i dhënë skuadrës një avantazh të qartë që në pjesën e parë. Me rezultatin 2-0, ekipet iu drejtuan dhomave të zhveshjes.

Edhe pas rikthimit në fushë, skuadra e Montellas ruajti ritmin ofensiv. Në minutën e 53-të, Deniz Gül realizoi golin e tretë, ndërsa Barış Alper Yılmaz vulosi suksesin me golin e katërt në minutën e 70-të.

Në Oslo, Norvegjia fitoi 3-1 ndaj “komshinjve” të Suedisë. Për norvegjezët shënoi dopietë Jorgen Strand Larsen dhe sulmuesi i Leipzig, Antonio Nusa. Për suedezët ngushtoi shifrat Alexander Isak në minutën e 76-të.

Kujtojmë se Norvegjia ka marrë pjesë për herë të fundit në Botëror në vitin 1998, ku u eliminua në fazën e 1/8-ve nga Italia.