U dëmtua ndaj Dortmundit, mbrojtësi francez rrezikon të mungojë në Europian

Lucas Hernandez u dëmtua në ndeshjen e Champions League ndaj Dortmund. Për mbrojtësin ekziston frika e një ndalese shumë të gjatë, e cila do ta pengonte të merrte pjesë  në Europian me Francën e Deschamps.

Pavarësisht dëmtimit, Hernandez u përpoq të qëndronte në fushë për disa minuta, përpara se të ngrinte flamurin e bardhë dhe të zëvendësohej nga Lucas Beraldo në minutën e 42-të.

Luis Enrique, i pyetur pas ndeshjes, tregoi njëfarë pesimizmi: “Nuk kam asnjë lajm nga Lucas Hernandez. Situata nuk duket shumë pozitive, por ne do të presim përgjigjen e analizave”.