U dëmtua te Reali, por Mbappe vendosë të shkojë në grumbullim me Francën

Franca do të nisë të hënën në Clairefontaine grumbullimin e dytë sezonal, në prag të dy ndeshjeve kualifikuese kundër Azerbajxhanit (të premten) dhe Islandës (më 13 tetor).

Trajneri Didier Deschamps do të ketë në dispozicion edhe kapitenin Kylian Mbappé, i cili, pavarësisht dëmtimit në kyçin e këmbës së djathtë të pësuar të shtunën në ndeshjen Real Madrid- Villarreal (3-1), ka vendosur t’i përgjigjet thirrjes së kombëtares.

Sulmuesi 26-vjeçar kishte pasur shqetësime në të njëjtën zonë edhe përpara sfidës. Mbappé ka insistuar të jetë pjesë e grupit dhe të qëndrojë pranë shokëve të tij, ndonëse drejtuesit e Real Madrid preferonin që ai të qëndronte në kryeqytetin spanjoll për rikuperim.