U përjashtua dy herë, por Ljajiç sërish refuzon të këndojë himnin serb

Futbollisti i Romës Adem Ljajiç ka refuzuar të këndojë himnin serb në ndeshjen e djeshme kundër Portugalisë.

Ai e ka bërë këtë gjë edhe në 2012 kur u përjashtua nga Sinisha Mihajloviç pikërisht për këtë arsye.

Për të njëjtën arsye ai u përjashtua edhe nga Advokaat në 2014.

Por për trajnerin e ri të Serbisë duket se kjo nuk është një problem.

“Që i vogël kam luajtur për përfaqësuesen e vendit tim, në kategorinë e juniorëve dhe askush nuk më ka kërkuar që ta këndoj himnin. Serbia është vend edhe për ne myslimanët. Nëse ky është kushti, me siguri se nuk do të luaj më për Kombëtaren e Serbisë”, pati deklaruar Ljajiç në 2012.