UEFA kundër Infantinos? / Nasser Al-Khelaifi kandidat i mundshëm për të sfiduar presidentin e FIFA-s

Ideja e fundit e Gianni Infantinos për shitjen e aksioneve të Kupës së Botës ka shkaktuar një valë të madhe polemikash në botën e futbollit. Projekti i presidentit të FIFA-s është kundërshtuar menjëherë nga UEFA, e cila tashmë po shqyrton mundësinë për të paraqitur një kandidat rival në zgjedhjet e ardhshme për drejtimin e institucionit më të lartë të futbollit botëror.

Sipas raportimeve nga mediat ndërkombëtare, emri që po qarkullon më shumë si alternativë ndaj Infantinos është ai i Nasser Al-Khelaifi, presidentit të Paris Saint-Germain dhe një prej figurave më me ndikim në futbollin europian.

Kandidatura e tij do të mirëpriste nga shumë aktorë të rëndësishëm në Europë, të cilët shohin te Al-Khelaifi një profil të aftë për të përfaqësuar interesat e klubeve dhe federatave europiane në arenën ndërkombëtare.

Megjithatë, vetë 52-vjeçari nuk duket ende i bindur për të ndërmarrë këtë sfidë. Al-Khelaifi, i cili është gjithashtu president i Shoqatës së Klubeve Europiane (ECA), deri tani nuk ka dhënë sinjale të qarta për një kandidim të mundshëm përballë Infantinos.

Nëse kjo ide do të konkretizohet, zgjedhjet e ardhshme të FIFA-s mund të shndërrohen në një përballje të fortë mes dy kampeve: atij të Infantinos dhe një alternative të mbështetur nga një pjesë e madhe e futbollit europian.