UEFA me “kamxhik”, Kukësi humb 0-3 në tavolinë dhe gjobitet rëndë

UEFA ka rregullore dhe e zbaton atë kur e sheh se duhet zbatuar, si ndaj Kukësit në ndeshjen e Europa League, lidhur me incidentet e ndodhura një javë më parë në “Qemal Stafa”, gjatë takimit të vlefshëm për turin e tretë eliminatorë të Europa Ligë, ku përballë ishte Legia e Varshavës. Legia Varshavë nuk mori asnjë masë ndëshkuese.

Krejt ndryshe nga historia e Borgradit, mes Serbisë e Shqipërisë, kur ndeshja u ndërpre, UEFA në rastin e Kukësit mori poarasysh  organizatorin e ndeshjes së dhe e dënoi sipas rregullores: 

Sipas vendimit të UEFA-s, Kukësi humbi ndeshjen në tavolinë me rezultatin 0-3. Kukësi është dënuar me 70 mijë euro gjobë, si dhe me mungesën e tifozëve në ndeshjet e a rdhshme brenda fushës nëse do të avancojë më tej. Gjoba me 70 mijë për një incident, një klubi i rëndon shumë dhe po ta krahasosh me gjobën 100 mijë Euro që mori Serbia pas gjithë asaj që ndodhi në Beograd më 14 tetor 2014, kur ndeshja u ndërpre pa u mbyllur pjesa e parë, dhe pa iu futur odisesë së vendimit absurd për fitoren në tavolinë që iu dha Serbisë, UEFA, pra, tregoi edhe një herë se "kamxhikun" e ka ajo në dorë dhe mund ta përdorë si të dojë dhe me sa forcë të dojë, ndaj kujtdojë, ndonjëherë edhe ndaj "viktimës".      

Ndeshja mes Kukësit dhe Legias së Varshavës u ndërpre në minutën e 52’, kur rezultati ishte 2-1 për “miqtë”, për shkak të një incidenti. Një lojtar i Legias së Varshavës u godit me sende të forta nga tifozët vendas dhe për pasojë mbeti i lënduar në pjesën e kokës. Mjekët e skuadrës polake hynë për t’i dhënë ndihmën e parë dhe lojtari u përgatit të futej në lojë, duke ndërruar dhe fanellën, sipas rregullores. Por, skuadra polake kërkoi ndërprerjen e lojës, pasi sipas tyre siguria mungonte. Pas më shumë se 20 minutash debate në dhomat e zhveshjes, gjyqtari i takimit ndërpreu përfundimisht ndeshjen dhe fjala i kaloi Komisionit të Disiplinës pranë UEFA-s.

Tashmë ndeshja e kthimit mes këtyre dy skuadrave, që do të luhet këtë të enjte në Varshavë, do të jetë vetëm një formalitet, pasi me humbje 3-0 në tavolinë përr skuadrën kuksiane konsiderohet kthimi i rezultatit në Varshavë i pamundur.