United dhe Villareal sigurojnë finalen e Europa League (VIDEO)

Manchester United dhe Villareal janë finalistët e këtij edicioni në Europa League. Roma mori hak ndaj “Djajve të Kuq” pas humbjes 6-2 në duelin e parë, duke fituar 3-2 në “Olimpico”.

Edinson Cavani ishte protagonist te skuadra angleze duke shënuar dy gola, ndërkohë që te skuadra verdhekuqe Edin Dzeko dhe Cristante shënuan në fillimin e pjesës së dytë. 7 minuta nga fundi i ndeshjes Nicola Zaleëski shënoi golin e fitores.

Arsenali nuk mundi që të shënonte asnjë gol në duelin e kthimit ndaj Villareal. Sfida e parë e luajtur në Spanjë kishte përfunduar 2-1 në favor të “nëndetëses së verdhë”. Skuadra angleze shpërdoroi shanse shënimi, por nuk mund të gjente golin. Finalja e madhe e këtij edicioni do të luhet në Poloni, në “Gdansk Stadium”. /R.Lika-Koha Jone/