United kërkon të transferojë falas Sergio Ramos

Manchester United është në garë për të nënshkruar me mbrojtësin Sergio Ramos. Lojtari nuk ka rinovuar ende me kampionët e Spanjës dhe del si futbollist i lirë në verë.

Kapiteni ka të drejtë të negociojë me çdo klub që nga janari, pasi duhet t’i japë drejtim të ardhmes së tij. “Calciomercato” shkruan se Ramos është në radarët e United.

“Djajtë e kuq” nuk janë i vetmi klub që duan shërbimet e mbrojtësit spanjoll. PSG, Juventus, Chelsea dhe Manchester City janë klubet e tjerë që kanë shfaqur interesim.