United nxjerr në shitje dy futbollistë pas blerjes së van de Beek

Donny van de Beek u afrua te Manchester United për 40 milionë stërlina. Tashmë “Djajtë e Kuq” po mendojnë për merkaton në dalje.  Sipas të përditshmes britanike “Daily Mail”, trajneri Ole Gunnar Solskjaer ka dhënë “OK”-in e tij për të nxjerrë në shitje mesfushorët Jesse Lingard (27 vjeç) dhe Andreas Pereira (24 vjeç).

Lingard ka një kontratë deri në vitin 2021 me “djajtë”, ndaj largimi i tij është i paevitueshëm, në mënyrë që United të arkëtojë “cash”. Ndërsa kontrata e Periera skadon në vitin 2023 dhe kushton rreth 20 milionë euro.

Nga shitja e këtyre dy lojtarëve skuadra e United pritet të mbulojë shpenzimet për afrimin e Van de Beek, që nënshkroi një kontratë 5-vjeçare me “të kuq”