United tenton afrimin e Rudiger, por mbrojtësi i refuzon për shkak se …

Antonio Rudiger së fundmi sipas mediave angleze ka refuzuar transferimin te skuadra e Manchester United. Mbrojtësi gjerman, të cilit i skadon kontrata me Chelsean në qershor, kërkohet nga shumë klube elitare europiane, mes të cilave Juventus, Real Madrid dhe Bayern Munich.

“Djajtë e Kuq” ishin ndër të parët që kërkuan transferimin e tij, por sipas asaj që shkruan “Manchester Evening Neës” Rudiger ka refuzuar ofertën e tyre.

Refuzimi nuk ka ardhur për shkak të pagës së ofruar, por për faktin se United rrezikon seriozisht që të mos luajë në Champions League sezonin e ardhshëm, një kompeticion që nuk kërkon ta humbasë.