Uzuni protagonist në Amerikë me gol, por humbet një penallti në finalen e US Upen Cup (VIDEO)

Nashville SC u shpall kampione e US Open Cup pas fitores 2-1 ndaj Austin FC në finalen e luajtur mbrëmjen e djeshme. Pavarësisht përpjekjeve dhe golit të Myrto Uzunit, skuadra amerikane e shqiptarit nuk ia doli të ngrejë trofeun.

Finalja nisi me dominim nga Nashville, që kaloi në avantazh në minutën e 17-të me anë të Mukhtar. Pak minuta më vonë, Uzuni pati mundësinë të barazonte me penallti, por gaboi nga pika e bardhë. Megjithatë, sulmuesi beratas u rikuperua shpejt dhe në fundin e pjesës së parë arriti të shënojë pas një aksioni të ndërtuar nga Sanchez, duke rikthyer shpresat për Austin FC.

Në pjesën e dytë, vendimin për trofeun e dha Surridge, i cili realizoi nga 11 metra në minutat vendimtare, duke vulosur suksesin për Nashville SC. Pavarësisht humbjes, Uzuni u vlerësua si një nga më të mirët në fushë. Sulmuesi i kombëtares shqiptare ka arritur në kuotën e nëntë golave këtë sezon me fanellën e Austin FC.