Uzuni shënon super gol në Amerikë, por shoku i tij i prish festën (VIDEO)

Myrto Uzuni ishte protagonist në sfidën e radhës në MLS, ku Austin barazoi pa gola ndaj Los Angeles.

Sulmuesi kuqezi mendoi se kishte zhbllokuar takimin në minutën e 62-të, pasi realizoi një gol spektakolar nga distanca. Megjithatë, festa e tij dhe e skuadrës nuk zgjati shumë, pasi pas verifikimit me VAR, arbitri vendosi të anulonte realizimin për shkak të një pozicioni jashtë loje të një shoku të tij gjatë goditjes.

Uzuni qëndroi në fushë për 90 minuta, duke qenë një nga lojtarët më aktivë të ekipit të tij. 30-vjeçari po kalon sezonin e tij të dytë në SHBA, ku deri më tani ka realizuar 5 gola me fanellën e Austin FC.