Vallecano kërkon lavdinë në Conference League, trajneri: Besimi është maksimal

Iñigo Pérez u shfaq i qetë dhe i motivuar në konferencën për shtyp para finales së UEFA Europa Conference League Final kundër Crystal Palace, duke theksuar emocionet që sjell një ndeshje e këtij niveli.

Tekniku i skuadrës spanjolle tregoi se ekipi po e përjeton në mënyrë të veçantë këtë moment historik, sidomos pasi udhëtimi drejt finales u nda edhe me familjarët dhe miqtë e lojtarëve. Sipas tij, atmosfera e stadiumit dhe vëmendja e madhe mediatike krijojnë emocione të forta, të cilat skuadra duhet t’i kthejë në energji pozitive në fushë.

Pérez nënvizoi se çelësi i suksesit do të jetë ruajtja e identitetit të lojës së ekipit të tij. Ai pranoi se finalja ka presion të madh psikologjik, por kërkoi që lojtarët ta trajtojnë këtë sfidë si çdo ndeshje tjetër të rëndësishme në karrierë, me besim dhe qetësi.

Trajneri beson se vetëm duke qëndruar besnikë ndaj stilit të tyre, skuadra mund të arrijë objektivin dhe të ngrejë trofeun përballë Crystal Palace.