Valverde dëmtohet te Reali, do të mbetet disa javë jashtë fushave                                                         

Real Madrid do të duhet të bëjë pa Federico Valverden, pas dëmtimit që mesfushori uruguaian pësoi në derbin ndaj Atlético Madrid, të cilin skuadra e tij e humbi 2-1.

Klubi madrilen ka bërë të ditur rezultatet e ekzaminimeve mjekësore, duke konfirmuar se Valverde ka pësuar një ndrydhje të shkallës së tretë në kyçin e këmbës së majtë.

Dëmtimi erdhi pas një ndërhyrjeje të fortë gjatë sfidës në “Metropolitano”, episod që shkaktoi edhe polemika të shumta për vendimet e arbitrimit. Në përfundim të ndeshjes, José Mourinho kishte kritikuar ashpër disa prej vendimeve të gjyqtarit dhe kishte analizuar episodet më të diskutuara të derbit.

Tashmë shqetësimi kryesor për Real Madridin është mungesa e Valverdes. Uruguaiani është një nga lojtarët më të rëndësishëm të skuadrës, ndërsa këtë sezon mban edhe shiritin e kapitenit.

Kohëzgjatja e mungesës nuk është bërë ende publike zyrtarisht, por një dëmtim i kësaj natyre mund ta lërë mesfushorin jashtë fushave për disa javë.