Valverde përfundon në listën e dëshirave të Manchester United

Manchester United ka nisur të planifikojë lëvizjet për merkaton e ardhshme. Sipas “Mundo Deportivo”, “Djajtë e Kuq” janë të gatshëm të paraqesin një ofertë prej 80 milionë eurosh për mesfushorin e Real Madridit, Federico Valverde.

Mesfushori uruguaian nuk duket të jetë në qendër të planeve të trajnerit Xabi Alonso, gjë që mund të hapë mundësinë e një largimi nga “Santiago Bernabéu”.

Për të ulur koston e operacionit, United mund të përfshijë në marrëveshje edhe kartonin e talentit Kobbie Mainoo. Në këtë mënyrë, anglezët synojnë të bindin Real Madridin dhe të sigurojnë shërbimet e një prej mesfushorëve më të vlerësuar në qarkullim.