van Dijk zbulon rregullin e ri që vendosi Slot dhe rezultoi i suksesshëm

Virgil van Dijk, ka folur për një rregull të ri të futur nga trajneri Arne Slot. Trajneri holandez mori drejtimin e skuadrës në verë dhe zëvendësoi ish-trajnerin legjendar Jurgen Klopp.

Megjithatë, Reds nuk kanë pasur vështirësi, pasi janë në krye të Premier League dhe favorit për të fituar titullin.

Në një intervistë për The Mirror, Van Dijk shprehu kënaqësinë që Slot lejon lojtarët të kalojnë natën para ndeshjeve në shtëpi me familjet e tyre, në vend të hotelit.

“Është preferenca e secilit, por tani është një rregull. Personalisht, më pëlqen të fle në shtratin tim dhe të jem me familjen time dhe kështu funksionon mjaft mirë. Por ajo që bëmë në të kaluarën funksionoi mjaft mirë gjithashtu, pasi ne kemi qenë shumë të suksesshëm për sa i përket fitoreve”, tha van Dijk.