Varane nuk rinovon me Realin, në verë mund të transferohet në Manchester

Raphael Varane mund të jetë një nga largimet e mëdha të Realit gjatë verës. Mbrojtësi francez së fundmi është përfolur për një aventurë të re të Manchester United. Djajtë e Kuq, janë gati që të përfitojnë, teksa dëshira është që edicionin e ri të ketë një dyshe në qendër të mbrojtjes të formuar nga Raphael Varane dhe Harry Maguire.

Edhe pse ka dhe vetëm një vit kontratë, Reali nuk mund të privohet pa përfituar shifra të rëndësishme dhe kërkesa e “merengueve” konsiston në 60 milionë paundë, një shifër që spanjollët do ta ri-investonin menjëherë në merkato.

Klubi anglez do të synojë ta reduktojë deri diku kërkesën e madrilenëve, megjithatë është i gatshëm edhe të shpenzojë për 27-vjeçarin francez, sepse është profili më i përshtatshëm për mbrojtjen e Manchesterit.

PSG mund të jetë një rival i Manchester United në garën për Varane duke qenë që edhe vetë lojtari në fëmijërinë e tij ka qenë tifoz i Parisit, megjithatë mbrojtësi është gjithashtu i tërhequr nga një aventurë e re në Premier League. Mbrojtësi ka zhvilluar 355 ndeshje me “Los Blancos” duke fituar 18 trofe, prej të cilëve 4 UEFA Champions League.