VIDEO/ Manaj protagonist në “pokerin” e Barcelona B

Sulmuesi i Shqipërisë Rei Manaj ka spikatur në fitoren e skuadrës së tij Barcelona B 4-0 ndaj Badalonas në takimin e javës së 11-të në Segunda Division.

23-vjeçari nga Lushnja shënoi golin e tretë me penallti dhe asistoi të dytin.

Manaj shmangu njërin prej mbrojtësve kundërshtarë brenda zonës dhe nxori në pozicion të favorshëm shokun e ekipit Alex Collados në minutën e 68-të.

19 minuta më vonë, qe vetë Manaj që shkundi rrjetën në këtë sfidë duke kthyer në gol penalltinë e fituar.

Ky ishte goli i tretë i sulmuesit kuqezi në këtë sezon me Barcelonën B.