VIDEO/ Rama i jep pasaportën diplomatike Hysajt, kapiteni e verifikon live

Pas pasaportës shqiptare për tranjerin e kombëtares, kryeministri Edi Rama u ka dorëzuar lojtarëve të kombëtares pasaportat diplomatike pasi ato të dhëna pas kualifikimit në Euro 2016, u kishte përfunduar afati 5 vjeçar në vitin 2021. Pas një shpërblimi prej 200 milionë lekësh qeveria ”Rama 3” ka rikthyer pasaportat diplomatike.

Edi Rama i dorëzoi pasaportën kapitenit Elseid Hysajt, duke i cilësuar lojtarët kuqezi si “ambasadorët me të mirë të vendit”. Ky i fundit me batutë, e verifikoi live nëse vërtet është pasaportë diplomatike.

Hysaj: Ta kontrolloj njëherë se nuk i dihet. Hysaj, Elseid… Shumë faleminderit, mund ta humbim prapë si kemi humbur tjetrën. Dua të falënderoj presidentin për ftesën për të qenë këtu në këtë mbrëmje, kryeministrin për mbajtjen e fjalës. Nuk do jetë vetëm kjo, do të kemi edhe të tjera në Gjermani, nuk i dihet. Për mua është emocion i dytë kualifikimi dhe kënaqësi, akoma më e bukur me grupin e lehtë që na ra. Por unë kam besim që do ia dalim mbanë dhe ndoshta do bëjmë një tjetër ëndërr realitet në Gjermani.

Rama: E sheh një zotëri aty me këmishë të bardhë me papion të zi, ai që po ta bën me dorë? Për pasaportë gjermane apliko te ambasada gjermane…