VIDEO/ Tranjeri Maran në vetëm 60 sekonda jep udhëzimet, lojtarët kuqezi e duartrokasin

Trajneri i ri i Kombëtares shqiptare, Rolando Maran ka nisur zyrtarisht aventurën në stolin kuqezi, duke lënë menjëherë përshtypje pozitive te grupi i lojtarëve. Gjatë seancave të para stërvitore, siç shihet edhe në videon e siguruar nga gazetari i sportit në ”Koha Jonë”, Rozalb Lika, tekniku italian ka dhënë udhëzime të qarta dhe të përmbledhura në vetëm 60 sekonda, ndërsa futbollistët e Kombëtares i janë përgjigjur me duartrokitje, një sinjal i qartë i respektit dhe besimit ndaj trajnerit të ri.

Maran ka theksuar që në ditët e para se dëshiron të ndërtojë një skuadër me identitet të fortë, personalitet dhe mentalitet fitues. Ai është shprehur i impresionuar nga ndjenja e përkatësisë që kanë lojtarët për fanellën kuqezi, duke e konsideruar këtë një nga pikat më të forta të ekipit shqiptar.

Trajneri italian ka nisur punën me intensitet të lartë, duke analizuar ndeshjet e fundit të Kombëtares dhe duke kërkuar që lojtarët të përvetësojnë sa më shpejt filozofinë e tij të lojës. Atmosfera pozitive në grup dhe reagimi i futbollistëve tregojnë se bashkëpunimi mes Maranit dhe skuadrës ka nisur në mënyrën më të mirë të mundshme