Video/ U mundën turpshëm, ylli i Milanit feston me shampanjë dhe duhan

Humbja me Atalantën me shifrat 5-0 ishte një nga ditët më të zeza të historisë së skuadrës së Milanit. Ky fakt nuk i ka penguar futbollistët kuqezinjë të vijojnë jetën e tyre a thua nuk ka ndodhur asgjë.

Fillimisht, mesfushori Kessie në mënyrë të pakuptueshme  pëlqeu fotot e Papu Gomez , ndërsa tani protagonist është bërë Rafael Leao. Sulmuesi, i cili ishte në fushë si titullar në ndeshjen e djeshme, duket se ka hedhur lehtë pas krahëve disfatën.

Një mik i portugezit ka postuar një video në Instagram, me Leaon që shihet duke tymosur dhe duke pirë shampanjë. Ky gjest ka zemëruar tifozët e klubit kuqezi të cilët pretendojnë të tjera sjellje nga futbollistë e Milanit aq më tepër në këtë periudhë katastrofale.