Vjen largimi i parë nga Juventusi i Pirlos, mesfushori kryen vizitat mjekësore

Pas tri sezonesh, aventura e Blaise Matuidi te Juventusi është thuajse e mbyllur. Sipas “RMC Sport” mesfushori 33-vjeçar pritet të kryejë pasditen e sotme vizitat mjekësore në Francë, para se të zyrtarizojë largimin nga Juventusi dhe të firmosë kontratën me klubin e tij të ri.

Merr fund kështu aventura 3-vjeçare e Matuidi me fanellën e Juventusit, gjatë të cilës ka fituar tre tituj kampionë, një kupë Italia dhe një Superkupë Italie, ndërsa në 132 ndeshje ka shënuar edhe 8 gola.

Në këtë mënyrë skuadra bardhezi do të lehtësohet nga paga prej 3.5 milionë eurosh në sezon, teksa ka një kontratë deri në vitin 2021.