Xavi vendos rekord negativ te Barcelona, trajneri me më shumë humbje

Humbja 5-3 të La Liga-s kundër Villarrealit, shtyu trajnerin e Barcelonës të japë dorëheqjen në fund të sezonit. Xavi Hernández ka humbur 26 nga 122 ndeshjet e tij në stolin e katalanasve.

Me 21.31% të ndeshjeve të humbura, Xavi “konkurron” Ronald Koeman si trajner i skuadrës Blaugrana, me përqindjen më të keqe të disfatave në 20 vitet e fundit, sipas të dhënave nga “BeSoccer Pro” për EFE.

Koeman, paraardhësi i tij, grumbulloi 16 humbje në 67 ndeshje (23.88%), një statistikë që është përkeqësuar vetëm nga tre trajnerë të Barçës në shekullin e 21-të: Lorenzo Serra Ferrer, Carles Rexach dhe Louis van Gaal, të cilët kanë pasuar njëri-tjetrin mes viteve 2000 dhe 2003, në një nga periudhat më dekadente sportive të klubit katalanas.

Humbja ndaj Submarino Amarillo e bën Xavin trajnerin spanjoll më humbës në historinë e Barcelonës (26 ndeshje).

Xavi dhe Nogués ndiqen në këtë renditje nga Josep Samitier, me 23 humbje në 98 ndeshje në krye të Barçës, në tri periudha (në vitet 1930, 1940 dhe 1950); nga Luis Enrique dhe Pep Guardiola, të dy me nga 21 humbje, por me 181 dhe 247 ndeshje përkatësisht nën drejtimin e katalanasve.