Zaza: Humbja e penalltisë, pengu i jetës sime

Italia u eliminua nga “Euro 2016” pasi humbi me penallti nga Gjermania. Të shumtë ishin lojtarët si të Gjermanisë ashtu dhe Italisë që nuk e dërguan dot topin në rrjetë.

Njëri prej tyre ishte edhe sulmuesi i Juventusit, Simone Zaza.

Në një intervistë për mediat ai e ka pranuar se nuk do ta harrojë asnjëherë në jetë humbjen e penalltisë në ndeshjen ndaj Gjermanisë.

“Kam humbur penalltinë më të rëndësishme të karrierës sime dhe do të më mbesë peng për pjesën tjetër të jetës. Më vjen keq që i kam zhgënjyer italianët”, ka deklaruar ai.

“Unë gjithmonë kam realizuar nga penalltia dhe ishte i bindur se do të shënoja”, shtoi Zaza.