Zbulohet mënyra se si Dortmundi arriti të blinte super talentin Haaland

Erling Haaland po shkëlqen te skuadra e Borussia Dortmundit, duke shënuar në çdo ndeshje pavarësisht nëse luan nga fillimi apo nga stoli. Por si arriti klubi gjerman të siguronte talentin norvegjez?

Vendimtar ishte raporti i drejtorit sportiv Zorc dhe agjentit të lojtarit, Mino Raiola: “Isha me të në telefon edhe në orën 4 të pasdites në prag të Krishtlindjes dhe punuam edhe për festa. Ishte një nga tratativat më të vështira, duke qenë se nuk është sekret që e donin shumë klube të mëdha dhe bëmë një sakrificë të madhe. i ofruam rolin më të mirë për t’u rritur pa presione”, u shpreh drejtuesi i Borussia Dortmund për “Bild”.

Zorc zbulon edhe se Dortmund përgatiti për norvegjezin një video-kolazh me emocionet që përcillte Sudtribune, tifozeria e zjarrtë verdhezi, dhe djaloshit i pëlqeu.