Zbulohet skenari i bujshëm/ Manchester City rrezikon rënien nga kategoria

E ardhmja e Manchester Cityt në elitën e futbollit anglez po bëhet gjithnjë e më e pasigurt. Sipas Sky Sports UK, disa klube të Premier League nuk presin që “Citizens” të jenë pjesë e kampionatit sezonin e ardhshëm, në rast se apeli i klubit kundër vendimit të komisionit të pavarur dështon.

Manchester City është shpallur fajtor për një numër të madh shkeljesh të rregullave financiare të Premier League, në një proces që përfshinte plot 115 akuza. Klubi i ka kundërshtuar vendimet dhe ka nisur procedurën e apelimit, me synimin për të përmbysur verdiktin.

Megjithatë, rivalët e Cityt mendojnë se një penalizim i kufizuar me pikë nuk do të ishte i mjaftueshëm. Sipas raportimeve, disa drejtues të Premier League besojnë se një zbritje prej 15 pikësh, apo një dënim që do të vlente vetëm për një sezon, nuk do të ishte në përpjesëtim me rëndësinë e akuzave, të cilat lidhen me një periudhë nëntëvjeçare.

Në debatin për ndëshkimin e Cityt është përfshirë edhe Jesse Marsch. Ish-trajneri i Leeds dhe aktualisht përzgjedhës i Kanadasë është shprehur hapur: “Mendoj se City duhet të ndëshkohet rëndë. Besoj se duhet të rrëzohet nga Premier League.”