Zidane e thotë hapur: Dua Pogba-n menjëherë te Reali!

Zinedine Zidane nuk është nga ata trajner që i pëlqen që t’i fsheh dëshirat. Strategu francez eka të qarta idetë e tij për skuadrën që kërkon të ketë në dispozicion, duke thënë: “Dua Pogba, menjëherë ose në fund të sezonit”. Të paktën kështu e kanë cituar mediat spanjolle.

Gazeta “Marca” raporton se në javët e fundit presingu i teknikut francez është bërë edhe më intensiv, edhe pse Pogba ishte kërkesa e vërtetë e tij në merkato, kur pranoi të kthehej në pankinën e Real marsin e kaluar. Kontaktet mes Zidane e Pogba nuk janë ndërprerë kurrë, vetë mesfushori punon me mendjen e drejtuesve të United: lëvizja e parë ishte refuzimi i rinovimit të kontratës në skadencë në 2021.

Problemi, për Zidane, është se anglezët duan 120 milionë euro e jo të gjithë tek Real Madrid janë të bindur, më tepër në lidhje me ekuilibrat e dhomave të zhveshjes, teksa Pogba duhet të paguhet më shumë se Hazard, për të cilin janë investuar rreth 100 milionë euro.

Në këtë pikë mund të ndërhyjë Juventus, që nuk e ka fshehur asnjëherë dëshirën për të afruar sërish futbollistin francez, i cili arriti kulmin e karrierës së tij pikërisht në Torino duke u bërë një ndër më të mirët në botë në rolin e tij.