Zlatan Ibrahimovic zgjat kontratën me Milanin dhe për një tjetër sezon

Zlatan Ibrahimovic do të vijojë që të jetë pjesë e Milanit. Kuqezinjtë kanë vendosur që të zgjasin bashkëpunimin me të edhe për një tjetër sezon.

40-vjeçari nuk dëshiron të largohet ende nga futbolli, edhe pse në sezonin e fundit është aktivizuar me pikatore te kuqezinjtë.

Zlatan Ibrahimovic, ka nënshkruar rinovimin e kontratës me Milanin deri më 30 qershor 2023.

Suedezi do të marrë një pagë prej 1-1.5 milionë plus bonuse në lidhje me paraqitjet dhe golat.