Zyrtare, kombëtarja miqësore në nëntor me Kosovën dhe Gjeorgjinë

Zyrtarizohen dy ndeshjet miqësore të kombëtares shqiptare në muajin nëntor. Në një konferencë për shtyp në ambientet e Federatës Shqiptare të Futbollit, sekretari i përgjithshëmn Ilir Shulku zbuloi se sfida festime me Kosovën do të luhet më 13 nëntor në stadiumin e Prishtinës, ndërsa miqësorja me Gjeorgjinë do të zhvillohet më 16 nëntor në “Qemal tafa”.

Ilir Shulku shpjegoi më pas se FSHF ka qenë në bisedime me disa kombëtare që luajnë në finalet e Europianit, por për arsye të ndryshme u arrit konsensusi vetëm me palën gjeorgjiane.

Pjesë e axhendës së FSHF-së për miqësoret e nëntorit është edhe mbrëmja gala që do të organiziohet në Pallatin e Brigadave me rastin e kualifikimit të Shqipërisë në "Francë 2016".