Zyrtare/ Nga Ballkani te Partizani, Mislav Karoglan merr drejtimin e të kuqve

Partizani ka zyrtarizuar trajnerin e ri. Klubi kryeqytetas ka njoftuar firmosjen dhe prezantimin e kroatit Mislav Karoglan, i cili do të marrë drejtimin e skuadrës pas largimit të Florin Bratu.

Tekniku 44-vjeçar rikthehet në futbollin shqiptar pas eksperiencës me Ballkanin, ndërsa tashmë përpara ka një mision të vështirë: të nxjerrë Partizanin nga situata e vështirë sportive dhe ta largojë nga fundi i renditjes.

Karoglan vjen me përvojë në pankinat e futbollit europian. Gjatë karrierës së tij, ai ka drejtuar skuadra të njohura, mes tyre Hajduk Splitin në Kroaci dhe Sheriff Tiraspolin në Moldavi.

Tashmë, trajneri kroat do të nisë aventurën e re te Partizani, me objektivin për të rikthyer skuadrën te rezultatet pozitive dhe për të ndryshuar ecurinë e saj në kampionat.