Zyrtare/ Partizani shkarkon Starovën, vjen një trajner i njohur italian për titullin

Sporti E Diel, 18 Prill 2021 22:37

Ashtu siç ishte paralajmëruar pas humbjes me Teutën në ndeshjen e fundit të këtij viti, që ishte edhe humbja e dytë radhazi për Partizanin, vjen edhe zyrtarisht shkarkimi i trajnerit Sulejman Starova.

Para pak momentesh klubi i kuq vendosi që Starova të mos jetë më në drejtimin e Partizanit. Vendimi është zyrtarizuar sot, pas një takimi të zhvilluar mes teknikut 60 vjeçar dhe Presidentit Demi. Një lëvizje e tillë vjen në kuadër të riorganizimit të strukturave të Klubit dhe më kryesores, ndërtimit të Akademisë së Futbollit Partizani që mbetet edhe një prej objektivave madhor të Klubit . Sulejman Starovës i është afruar pozicioni i këshilltarit pranë Presidentit Demi në mbarëvajtjen e të gjithë veprimtarisë së klubit. Klubi zyrtarizon se drejtimin e skuadrës do ta marrë Andrea Agostinelli një prej emrave të njohur të trajnerëve në Itali. Prezantimi i italianit Agostinelli do të zhvillohet në 4 janar 2016 në ambjentet e klubit, ditë në të cilën do të nisë zyrtarisht edhe punën në drejtimin e 15-të herë kampionëve të vendit.

Me këtë lëvizje, Partizani ka dhënë përshtypjen e parë se muaji janar do ta gjejë ndryshe, edhe më të organizuar për ta nisur pjesën e dytë të këtij sezoni me pretendime me të mëdha.

Të kuqtë ndodhen aktualisht, në vend të dytë në Kategorinë Superiore, tre pikë pas Skënderbeut që kryeson garën dhe konsiderohet skuadra e vetme që mund t’i jap fund pesë trofeve radhazi të kampionëve në fuqi.

Por edhe për t’i dhënë fund pritjes së gjatë të një titulli kampion, pasi Partizani nuk e fiton një të tillë prej 22 vjetësh.

Por kush është trajneri i i ri i Partizanit. Andrea Agostinelli ka lindur në Ankona, më 20 prill 1957 dhe pas akrrierës si futbollist ka qenë trajner dhe drejtor sportiv në shuam ekipe italiane, kryesisht të Seria B. Së fundmi ai ishte drejtor teknik i Potenca, ndërsa skuadra më e madhe që ka luajtur si lojtar dhe e ka drejtuar si trajner ka qenë Napoli, ndërsa ka luajtur edhe me Lacion. Pas Gianni de Biasit, dhe Peppe Dossena, ai mund të quhet emri më i madh italian që vjen në Shqipëri.

Agostinelli është tërhequr nga futbolli më 1992

Karriera

Me të rinjtë:

1973-1975 Lazio

Klubet: N (G)

1975-1979 Lazio 75 (2)

1979-1980 Napoli 9 (0)

1980-1981 Pistoiese 27 (0)

1981-1982 Modena 27 (2)

1982-1985 Atalanta 97 (1)

1985-1986 Avellino 30 (1)

1986-1987 → Lecce 27 (1)[1]