Zyrtare / Renault rikthehet në Formula 1, blen edhe Lotus

Gjithçka bëhet zyrtare: Renault garon më vete në Botërorin e vitit 2016 të Formula 1.

Pas shumë hamendjesh e projektesh, drejtuesit e kompanisë franceze kanë komunikuar sot rikthimin në Formula 1, duke blerë aksionet e skuadrës Lotus.

“Renault rikthehet në garat me makina pas 4 vitesh mungesë, ndërkohë që gara e fundit daton më 2011-ën. “Kishim dy opsione, të ktheheshim me një makinë 100% tonën ose të largoheshim. Vendosëm të qëndrojmë”, tha Carlos Ghosn, drejtori i përgjithshëm i Renault.