ZYRTARE/ Teuta njofton “divorcin” me sulmuesin e njohur

Rubin Hebaj nuk do të jetë më pjesë e Teutës për pjesën e mbetur të sezonit. Klubi durrsak njoftoi sot ndërprerjen e bashkëpunimit me sulmuesin shkodran me mirëkuptim. Largimi i ish-sulmuesit të Partizanit dhe Vllaznisë ishte paralajmëruar prej ditësh, ndërsa sot ka marrë formën zyrtare ndarja e rrugëve mes tij dhe Teutës.

22-vjeçari realizoi 6 gola me ekipin durrsak përgjatë një viti, ku më të rëndësishmit janë dopieta në Superkupën e Shqipërisë ndaj Tiranës si dhe goli ndaj Beitar Jeruzalemit në raundin e parë eliminator të Europa Ligës.

Njoftimi i Teutës

Rubin Hebaj nuk është më pjesë e bluve, pasi me marrëveshje të dyanshme ndërpritet bashkëpunimi. KF Teuta dhe futbollisti me marrëveshje të dyanshme kanë vendosur se ndarja në këtë moment është në interes të të dy palëve. KF Teuta falënderon lojtarin për kontributin e dhënë me fanellën e Teutës në rrugën drejt fitimit të dy trofeve dhe kalimin e një raundi në Europe dhe i urojmë futbollistin të ketë shëndet dhe shumë suksese në vazhdim të karrierës së tij. #falemimderitrubinhebaj.