Pas kërkesave të shumta për celularë me vlerë mijëra dollarë dhe mijëra funksione, trendi i telefonave të thjeshtë po rritet gjithnjë e më shumë.
Këta telefona kanë këto karakteristika: telefonata, mesazhe, kushtojnë pak euro dhe disa prej tyre gjithashtu lidhen edhe me internetin. Vetëm pak ditë më parë kompania finlandeze Nokia prezantoi dy telefona të rinj me kosto të ulët. Në krye të rritjes janë tregjet në zhvillim si India dhe Afrika.
Tregu i telefonave me këto karakteristika ka vazhduar të rritet në tre vitet e fundit. Sipas vlerësimit të kompanisë Research Counterpoint më shumë se 400 milionë ekzemplarë do të shiten në vitin 2019, ndërsa dërgesat do të arrijnë një miliardë njësi brenda vitit 2021.
