Elon Musk, shefi ekzekutiv i prodhuesit amerikan të makinave elektrike Tesla, thotë se firma e tij do të “mbyllet” nëse automjetet e saj përdoren për të spiunuar Kinën.
Komentet e tij erdhën si përgjigje ndaj raporteve që ushtria kineze kishte ndaluar makinat Tesla.
Ushtria kishte ngritur shqetësime të sigurisë në lidhje me të dhënat e mbledhura nga kamerat e instaluara në makina.
Kina është tregu më i madh i Tesla-s pas SHBA-së, duke llogaritur rreth një të katërtën e shitjeve globale të firmës në vitin 2020.
Z. Musk tha se nëse një biznes merrej me spiunim ndaj një qeverie të huaj, “efektet negative për atë kompani do të ishin jashtëzakonisht të këqija”.
“Ekziston një nxitje shumë e fortë për ne që të jemi shumë konfidencial me çdo informacion,” i tha Z. Musk një forumi me ndikim të biznesit kinez .
“Nëse Tesla përdori makina për të spiunuar në Kinë ose kudo, ne do të mbyllemi.”
Marrëdhëniet midis Kinës dhe SHBA-së, dy ekonomitë më të mëdha në botë, kanë qenë të tensionuara për vite me rradhë, raporton BBC.
“Edhe sikur të kishte spiunim, çfarë do të mësonte vendi tjetër dhe a do të kishte rëndësi në të vërtetë?”, tha Musk.
Firma e makinave të Elon Musk fitoi miratimin për fabrikën e saj në Shangai në 2018, duke u bërë prodhuesi i parë i automjeteve të huaj që operon një fabrikë në pronësi të plotë në Kinë.
Kina është tregu më i madh në botë i makinave dhe qeveria e saj ka promovuar automjetet elektrike. Kjo kërkesë e ndihmoi Tesla të bënte një fitim prej 721 milion dollarë në vitin 2020.