Franca ndalon përdorimin e telefonave në shkolla

Vendimi më i fundit i parlamentit Francez ndalon përdorimin e telefonave celularë nëpër shkolla.

Sipas ligjit të miratuar sot, ndalimi i përdorimit të telefonave do të bëhet nëpër shkollat të mësimit parafillor, fillor dhe në shkollat e mesme. Presidenti i Francës, Emmanuel Macron kishte bërë fushatë për ndalimin e përdorimit të telefonave mobil në shkolla.

Nxënësit francezë deri më tash nuk ishin lejuar që të përdornin telefonat e tyre gjatë orëve mësimore dhe çdo shkollë, kishte rregullat e veta, nëse do t’i lejonte apo jo që nxënësit që të përdornin telefonat.

Ligji i ri i miratuar ndalon që telefonat të përdoren në çdo shkollë të Francës.