Rrjete sociale si: Instagram, Facebook, WhatsApp dhe Threads kanë rënë dhe po raportohet për probleme në mbarë botën. Kompania ”Meta” aktualisht po përjeton një ndërprerje të madhe në të gjitha platformat e saj. Siç vërehet nga ”Downdetector.com”, ka pasur një rritje të mprehtë të ndërprerjeve të raportuara nga përdoruesit e këtyre shërbimeve të ndryshme. Përdoruesit e rrjeteve sociale nuk kanë mundësi përdorimi në versionin desktop ashtu edhe atë celular të platformave. Për momentin nuk dihet se çfarë e ka shkaktuar këtë ndërprerje. Disa përdorues nëpër Bluesky, X dhe Reddit kanë shfaqur foto të përdoruesve që marrin mesazhe “error/ gabim” kur përpiqen të aksesojnë mesazhet e tyre.