Një kompani kineze e prodhimit të baterive të makinave është gati për të prodhuar një bateri, jetëgjatësia e së cilës tejkalon limitet.
Sipas BBC, bateria e re do të ketë një jetëgjatësi prej 16 vitesh ku bateri të prodhuara nga kompani të tjera zgjasin nga 3-8 vite.
Kompania Contemporary Amperex Technology thotë se me këtë bateri, një makinë mund të përshkojë 200 milionë kilometra.
Deri më tani, kompania nuk e ka bërë të ditur se cilin brand automjetesh do të furnizojë.
Por nga raportet e publikuara më parë, thuhet se ajo po bashkëpunon me Teslan e multimiliarderit Elon Musk.
“Nëse dikush bën porosinë, ne jemi gati të prodhojmë” – shprehet Presidenti i kompanisë, Zeng Yuqun gjatë një interviste për Bloomberg News.
Në shkurt të këtij viti, Contemporary Amperex Technology lidhi një kontratë me Teslan për një model të ri makine ndërkohë që më parë ka bashkëpunuar me BMW, Honda, Toyota, Volkswagen.
