Në Zvicër zbulojnë armën për rrëzimin e dronëve (VIDEO)

Një kompani në kantonin Graubunden të Zvicrës ka paraqitur një armë, e cila është e dizenjuar për të rrëzuar dronët e vegjël. Arma është e ndërtuar si një pistoletë dhe një shurdhues.

Pistoleta është paraparë që të “neutralizojë shpejt dhe lehtë dronët”, dhe sipas firmës ajo garanton që do të kapë dronët që fluturojnë deri në 30 metra. Kjo armë është e para e këtij lloji në mbarë botën. Armët ekzistuese me rrjetë kanë një shtrirje më të vogël.

Mediat zvicerane kanë raportuar se kjo armë është përdorur gjatë ngjarjeve të fundit në vend, ku ishte i pranishëm edhe presidenti amerikan Donald Trump. Megjithatë, nuk janë dhënë detaje të tjera sa i përket suksesit të përdorimit të kësaj arme.