Një epokë e re për astronominë!  

Shkencëtarët janë duke pretenduar se kanë kryer një zbulim mahnitës në kërkimet e tyre për të kuptuar plotësisht gravitetin. Ata kanë vërejtur deformimin e hapësirës së gjeneruar nga përplasja e dy vrimave të zeza në më shumë se një milliard vite dritë nga Toka.

Ekipi ndërkombëtar thotë se zbulimi i parë i këtyre valëve gravitacionale do të sjellë një epokë të re për astronominë. Ky është kulmi i dekadave të kërkimit dhe në fund të fundit mund të ofrojnë një dritare për Big Beng.  Hulumtimi i kryer nga Ligo Collaboration, është pranuar për botim në revistën fizike  “Review Letters”.

Bashkëpunimi vepron në një numër të madh laboratorësh nëpër botë. Sinjalet e pritura janë jashtëzakonisht delikate, dhe shqetësojnë makinat, të njohura si interferometra, me vetëm fraksionet e gjerësinë së një atomi.
“Ne kemi zbuluar valët gravitacionale”, tha David Reitze, drejtor ekzekutiv i projektit Ligo për gazetarët në një konferencë shtypi në Uashington.
Sipas tij është hera e parë që Universi na ka folur me anë të valëve gravitacionale. Deri tani, ne kemi qenë të shurdhër, raporton BBC.

Sidorela Lepri